Politikani serb Nikolla Sandulloviç që u dhunua nga shërbimi sekret serb pasi vendosi kurora me lule te varrezat e familjes Jashari në Prekaz ka folur për “The Guardian” duke treguar tmerrin që përjetoi nga dhuna makabre.
“Më goditën aq fort sa humba ndjenjat. Në furgon më goditën në kokë, më goditën me grusht në fytyrë dhe më goditën me shkelma.
Në hollin e selisë së BIA-s, ma hoqën këmishën dhe më detyruan të gjunjëzohesha dhe të puthja fotografitë në murin e agjentëve që kishin vdekur në Kosovë.
Ata vazhduan të pyesnin se kush qëndronte pas vendimit tim për të vizituar vendin e varrimit, kush po më jepte ryshfet për të bërë gjëra të tilla.
Ata u ulën në të dyja këmbët e mia, më tërhoqën krahët dhe ma kthyen kokën mbrapa dhe bërtisnin ‘tradhtar”. Në fund thash: ‘Nuk do t’i përgjigjem më pyetjeve. Më vrisni ose telefononi një mjek” tha ai.
