Një ditë pasi grupi i deputetëve të Gazment Bardhit dhe Sali Berishës u bashkuan zyrtarisht duke u mbledhur në selinë e PD-së, opozitarët janë shpërndarë në terren për të motivuar bazën dhe jo vetëm militantët për të protestuar në datë 20 Shkurt në Tiranë. Por si do të jetë kjo protestë, paqësore, me mesazhe simbolike, apo ka një tjetër skenar?
Deputeti i PD-së, Luan Baçi në një intervistë për “5Pyetjet.al” thotë se duhet t’ia lëmë në dorë popullit. Ditën e sotme në media ka qarkulluar një lajm që dy deputetë nga grupi i Lulzim Bashës do i bashkohen Sali Berishës dhe Gazment Bardhit.
Baçi thotë se kjo është një gjë pozitive që kanë gjetur më në fund rrugën e drejtë, sipas tij. Por protestës dhe bashkimit, i dha një “grusht” vizita e zotit Blinken nesër në Tiranë, i cili do të shfaqet krah kryeministrit të vendit.
Por a do të ketë opozita një mesazh qoftë edhe simbolik për njeriun që shpalli “non grata” liderin e saj? Çfarë mendon Luan Baçi? Për këtë dhe skenarin e opozitës për protestën, ndiqni më poshtë intervistën e plotë.
