Një 32-vjeçar është plagosur me armë zjarri në Koplik të Shkodrës mbrëmjen e sotme pas një konflikti për motive të dobëta.
I plagosur në këmbë ka mbetur Genti Dulaj, i cili ndodhet në spital ndërkohë që policia njofton se është shpallur në kërkim autori Mirush Hasa.
“Më datë 29.02.2024, rreth orës 19:50, në Koplik, gjatë një konflikti për motive të dobëta dyshohet se shtetasi M. H., ka plagosur me armë zjarri pistoletë në këmbë shtetasin G. D., 32 vjeç, banues në Koplik.
32 vjeçari ndodhet në spital, jashtë rrezikut për jetën.
Shërbimet e Policisë janë vënë në ndjekje të autorit” njofton policia
Ende nuk dihen rrethanat e plota se si ka ndodhur ngjarja.
