Sandro Tonali kapet sërish, të tjera baste sportive të vendosura në Angli

Akuza të reja janë hedhur nga Federata Angleze e Futbollit ndaj Sandro Tonalit në lidhje me përfshirjen e tij në bastet sportive.

Mesfushori italian aktualisht po vuan dënimin 10-mujor të lëshuar nga Federata Italiane e Futbollit (FIGC) në muajn tetor për thyerjen e rregullave të basteve në Itali.

FA pretendon se Tonali ka thyer rregullat duke vendosur 50 baste në ndeshjet e futbollit ndërmjet 12 gushtit dhe 12 tetorit 2023, pikërisht pas transferimit të tij në Angli tek Newcastle nga Milan.

“Newcastle United pranon një akuzë për sjellje të pahijshme të pranuar nga Sandro Tonali në lidhje me shkeljet e supozuara të rregullave të basteve të FA”, tha klubi të enjten.

“Sandro vazhdon të pajtohet plotësisht me hetimet përkatëse dhe ai ruan mbështetjen e plotë të klubit” thuhet në sqarimin e ekipit anglez.

Tonali u ndalua nga FIGC për baste në ndeshjet që përfshinin skuadrat e tij Brescia dhe Milan, dhe FIFA më vonë pranoi kërkesën e federatës italiane që ndalimi të zgjatej në mbarë botën.

Ndalimi i tij aktual do të thotë se Tonali nuk ka të drejtë të luajë përsëri deri në gusht dhe nuk do të luajë në Euro 2024.

Italiani u gjobit gjithashtu me 20,000 euro (17,380 £) dhe u urdhërua të merrte pjesë në një “plan terapeutik” tetë-mujor për të ndihmuar “shërimin nga varësia ndaj lojërave të fatit”.