Shpërthimi i një bombole gazi në një apartament në Patos ka bërë që e gjithë banesa të përfshihet nga flakët.
Siç njofton policia nga zjarri ka vetëm dëme materiale dhe fatmirësisht nuk ka të lënduar.
“Rreth orës 14:05, në banesën e shtetasit Z. Ç., në katin e katërt të një pallati, në Patos, dyshohet se si pasojë e shpërthimit të një bombole gazi, banesa është përfshirë nga flakët.
Nga zjarri janë shkaktuar vetëm dëme materiale.
Nga ndërhyrja e menjëhershme e shërbimeve të Policisë dhe atyre të zjarrfikëses është bërë e mundur shuarja e flakëve.
Grupi hetimor vijon punën për sqarimin e rrethanave të rastit” sqarojnë uniformat blu.
