Kryetari i Partisë së Lirisë, Ilir Meta deklaroi sot se është i hapur një koalicion të gjerë për të rrëzuar qeverinë Rama.
“Nuk ekziston një parti në Shqipëri në këto 30 vite që ka qenë më e prirur se kushdo tjetër në drejtim të koalicioneve pavarësisht se për shkak të rrethanave i ka bërë koalicionet.
Kështu që ne kemi qenë dhe jemi për një koalicion sa më gjithëpërfshirës për të përmbysur këtë narko-regjim që po zbraz gjithë Shqipërinë” tha ai.
Por kur u pyet për draftin e amnistisë e kaloi “topin” tek Petrit Vasili. “Përgjigjen më të saktë mund ta japë zoti Vasili. Fokusi im si lider i PL-së janë pesë prioritetet themelore të PL-së për 10 vitet që vijnë” tha ai.
