Prej orës 15:00 vazhdon debati në mbledhjen e komisionit hetimor për sistemin TIMS. Pyetjet e deputetit socialist Toni Gogu për ekspertët sollën reagime nga opozita. Debati agravoi. Ironi, por edhe debat të fort verbal. Socialistët në një moment u ngritën në këmbë duke kërcënuar me largim.
Kryetari i komisionit, Ervin Salianji kërkoi që ekspertët të mos trajtohen si dëshmitar dhe u shpreh se socialistët nëse duan le të largohen, mbledhja do të vazhdojë.
“Nëse e mbyllni secili do të mbajë përgjegjësi penale. Nëse e trajtoni këtë sallë sikur e keni pronë tuajën do të bëjë kallëzim të menjëhershëm. Komisioni ka nisur me kuorum dhe nuk mbyllet këtu.
Këtë duan shqiptarët që të ikni ju? Nëse doni t’i nxirrni gjoksin kriminalitetit, shkeljes së ligjit. Drejtohu me mirësjellje te kryetari i komisionit”, tha midis të tjerash Salianji.
LIVE-Komisioni i TIMS-it, Dogjani: Ky Ervin Muça mos është agjent i Rusisë?
