Greqia vazhdon që të shprehet e ashpër me vizitën e kryeministrit Edi Rama në Athinë. Zëdhënësi i qeverisë greke, Pavlos Marinakis e cilësoi vizitën e Ramës si private.
“Qeveria nuk e ka ftuar zotin Rama. Natyrisht që do të përgjigjemi nëse ka ndonjë arsye për t’u përgjigjur. Qeveria greke as nuk e ka ftuar zotin Rama, as nuk është një takim dypalësh dhe as nuk ka mundur – dhe askush nuk ka thënë ndryshe, sepse nuk ka si të thuhet – të ndalojë një tubim.
Ai do të sigurojë që të respektohen të gjitha masat e sigurisë dhe protokollet e parashikuara në rastin konkret. Dhe që atëherë është një vizitë private, në Greqi dhe në disa vende të tjera, nga Edi Rama, siç ka të drejtë të bëjë dhe asgjë më shumë” tha ai.
