Kombëtarja shqiptare ka nisur sot përgatitjet për ndeshjen e parë ndaj Italisë më 15 qershor dhe më pas përballë Kroacisë më 19 qershor dhe Spanjës më 24 qershor. Mbrojtësi i Kombëtares kuqezi, Elseid Hysaj u shpreh se së bashku me shokët e skuadrës duhet të bëjnë maksimumin për të kaluar grupin.
“Italia duket nga jashtë si një skuadër që është në vështirësi, por nuk është ashtu siç duket dhe këtë gjë e pamë edhe në Evropianin e kaluar, ku fitoi gjithçka. Nuk duhet të harrojmë se Italia ka emra të mëdhenj në Kombëtare dhe falë eksperiencës që kam në Itali ja di kualitetin.
Në 2016-ën ishim një tjetër skuadër, nuk mund t’i krahasosh. Tani është hera e dytë për mua Berishën e Abrashin dhe e dimë që mund të bëjmë më tepër se në edicionin e shkuar. Nëse humbim me Italinë është një problem. Mund të kalojmë grupin dhe duhet ta provojmë me patjetër për ta bërë diçka të tillë” tha ai.