Sonte nis Europiani. Mbi 50 mijë shqiptarë pritet të jenë në Dortmund nesër në ndeshjen ndaj Italisë. Kryeministrin Edi Rama e konsideron të natyrshëm.
Sipas kreut të qeverisë Shqipëria e ka fituar Europianin e saj. Prandaj për të nuk ka rëndësi rezultati i ndeshjes me Italinë.
“50 mijë shqipe dhe 31 mijë azzuri në shkallët e arenës së Dortmundit nesër, ku i famshmi Mur i Verdhë i Borussias do të zëvendësohet për një natë nga Dallga Kuqezi e Shqipërisë.
Shqipëria e ka fituar Europianin e saj dhe s’ka më asgjë për të humbur, prandaj cilido qoftë rezultati i ndeshjes mbrëmja e nesërme do të mbetet jo vetëm në historinë e futbollit shqiptar, po edhe në kujtesën e 10 milionë shqiptarëve”, shkroi ai.
