Ditën e sotme u krye ekstradimi nga Shqipëria drejt Italisë të 27-vjeçarit shqiptar Mërgim Lazri nga Dibra. Ai ishte i shpallur në kërkim ndërkombëtar nga autoritetet italiane pasi akuzohej për vrasjen e një arkitekti italian.
Mërgim Lazri së bashku me Emirjon Margjinin që ndodhet në burg në Itali dhe me disa persona të tjerë kanë hyrë në shtëpinë e arkitektit italian Roberto Mottura për të marrë peng atë.
Më pas është aktivizuar sistemi i alarmit dhe Mottura është afruar për të parë se çfarë po ndodhte dhe është qëlluar me armë nga Mërgim Lazri.
Gjykata e Torinos në Itali i ka caktuar shqiptarit masën e sigurisë “Arrest me burg” për veprat penale ““Grabitje me armë dhe vrasje”.
