Kryetarja e Kuvendit Elisa Spiropali me anë të një postimi në rrjetet sociale ka reaguar në lidhje me djegien e karrigeve nga demokratët.
Spiropali shprehet se karriget janë të atyre, por janë për tu respektuar duke u ulur mbi to me peshën e besimit të marrë prej qytetarëve.
“Djegia e tyre dëshmon nivelin më ekstrem të mungesës së respektit për qytetarët, ligjin dhe institucionet e shtetit demokratik”, nënvizon ajo.
Më tej ajo vijon duke thënë se “Fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj. Edhe më fatkeqësisht zjarrvënia e sotme, dhe aktet ekstreme të dhunës brenda sallës, e kanë kthyer Kuvendin në një skenë krimi, për t’u marrë në kqyrje nga organet ligjzbatuese”.
