Java e 33-të e Kategorisë Superiore u hap me derbin e kryeqytetit mes Tiranës dhe Partizanit, ku të kuqtë udhëhoqën 1-0 në pjesën e parë falë një goli të Human në minutën e 22’.
Ky takim ka marrë një rëndësi të veçantë këtë sezon, duke u bërë një mundësi për të dyja skuadrat për të dalë nga periudhat e vështira që po kalojnë.
Tirana, e cila është pranë zonës së rrezikut, kërkon fitore për të larguar kërcënimin e rënies nga kategoria, ndërsa Partizani synon të mbajë gjallë shpresat për të siguruar një vend në “Final Four” dhe për të garuar në kompeticionet europiane.
Dueli po zhvillohet në “Arenën Kombëtare”, dhe pritet të jetë vendimtar për fatet e sezonit të dyja skuadrave.
