Në një shtëpi që përdorej si objekt fetar në Maqedoninë e Veriut janë gjetur tre persona të pajetë, mes tyre një 14-vjeçar.
Gjatë kontrollit në trupat e pajetë nuk janë gjetur shenja dhune dhe janë dërguar për autopsi. Gjithashtu është nisur edhe një hetim për rrjedhje gazi në pajisjet që ngrohin shtëpinë ku u gjetën tre viktimat.
“Është inspektuar vendngjarja në fshatin Crveni Bregovi në Negotinë, ku në një shtëpi të vogël që përdorej si objekt fetar i improvizuar, u gjetën tre trupa të pa jetë, përfshirë edhe një fëmijë rreth moshës 14 vjeç. Gjatë kontrollit fillestar të trupave, nuk u konstatua asnjë shenjë dhune. Prokurori publik ka dhënë urdhër për autopsi dhe ka urdhëruar gjithashtu ekzaminimin e funksionimit të pajisjes së gazit që përdorej për ngrohje”, thuhet në njoftimin e policisë maqedonase.
