Organizata Botërore e Shëndetësisë i është përgjigjur vendimit të presidentit Donald Trump për tërheqjen e SHBA nga agjencia shëndetësore.
Sipas mediave të huaja, OBSH ka thënë se i vjen keq nga njoftimi i Trump. Gjithashtu OBSH tha se luajti një rol vendimtar në mbrojtjen e shëndetit dhe sigurisë së njerëzve të botës, përfshirë amerikanët dhe shpresonte që SHBA “do ta rishqyrtonte” vendimin.
Donald Trump teksa po nënshkruante urdhrat e tij ekzekutivë tha se agjencia globale e shëndetit kishte keqpërdorur pandeminë COVID dhe kriza të tjera ndërkombëtare shëndetësore.
