Deputeti Dashnor Sula në një intervistë ka ironizuar sekretarin e Përgjithshëm të Partisë Demokratike, duke u shprehur se Flamur Noka për kryeministër ishte një shaka për 1 Prillin.
Sula ka thënë se gazetarët duhet të hulumtojnë kandidatët për deputetë që në të shkuarën kanë qenë bashkëpunëtor të sigurimit.
“Flamur Noka për kryeministër ishte shaka për 1 Prillin. Do thoja që i bëj thirrje mediave, gazetarëve të cilët duke marrë parasysh ligjiin për marrjen e informacioneve, do të duhet të kishin një verifikim të kandidatëve në 4 qarqet e mëdha Fier, Tiranë, Durrës, Elbasan dhe sipas informacioneve që kam në hulumtimin e listës ka disa elementë.
Duhet të ndodhë dhe nga mediat që kanë akses që të shohin dhe hulumtojnë disa kandidatë që mund të kenë qenë bashkëpunëtor të sigurimit. Edhe prindërit e tyre kanë pasur bashkëpunëtor të sigurimit. Do të ishte e turpshme që të shkojnë në parlament bashkëpunëtor të sigurimit që i kanë bërë dëm shoqërisë shqiptare”, tha Sula.
