Sekretari i shtetit i SHBA-së, Marco Rubio ka deklaruar se një marrëveshje për t’i dhënë fund luftës në Ukrainë është “afër, por jo mjaftueshëm afër”, duke theksuar se SHBA-të mund të tërhiqen nga bisedimet e paqes nëse nuk ka përparim brenda ditëve të ardhshme.
Rubio tha se përpjekjet e Presidentit Trump për të ndërmjetësuar mes Ukrainës dhe Rusisë po hynin në një “javë kritike” dhe shprehu shqetësimin për përparimin e ngadaltë.
‘Tani është koha për të vendosur”-tha ai.
Trump pati një takim të jashtëzakonshëm me presidentin Zelensky, ku u shpreh optimist për një marrëveshje paqeje.
Ndërsa kritikoi Putinin për sulmet ndaj qyteteve ukrainase dhe Zelenskyn për kërkesat e tij lidhur me Krimenë.
Takimi ndodhi në prag të funeralit të Papës dhe sipas Zelenskyt pati “potencial historik”, duke theksuar se do të jetë një hap i rëndësishëm në kërkimin për paqe.
