Kryeministrin Edi Rama e kanë uruar edhe liderët botëror për fitoren. Pëveç kryeministres së Italisë dhe atij të Kroacisë këtë herë e ka uruar edhe presidenti i Ukrainës Volodymyr Zelensky.
Presidenti i Ukrainës i uron suksese Ramës për shërbimin e popullit shqiptar, si dhe ka theksuar forcimin e marrëdhënieve miqësore mes dy vendeve.
“Urime për Edi Ramën dhe Partinë Socialiste për fitoren bindëse në zgjedhje. Ju uroj sukses në shërbim të popullit shqiptar. E vlerësojmë shumë qëndrimin tuaj të qartë dhe të palëkundur mbi nevojën për paqe të qëndrueshme për Ukrainën, e cila mund të arrihet vetëm përmes një armëpushimi të plotë dhe të pakushtëzuar. Mezi pres të forcojmë edhe më tej marrëdhëniet miqësore mes vendeve tona, për të mirën e të dy kombeve tona.”, shkruan Zelensky.
