Mbrëmjen e djeshme një aksident ka ndodhur në rrugën “Studenti”, pranë barit “Ali Pasha” në qytetin bregdetar të Sarandës.
22-vjeçari Klauid Hadëri duke drejtuar një motor është përplasur me një makinë tip “Smart” që drejtohej nga Orlando Koshi 20 vjeç. Si pasojë 22-vjeçari ka pësuar dëmtime në kokë dhe është transportuar menjëherë në urgjencën e spitalit rajonal, ku ka marrë ndihmën e nevojshme mjekësore.
Ndërsa policia rrugore ka kryer testin e alkoolit për drejtuesit e mjeteve, ku rezultoi se të dy kishin nivel 0.00 mg/l. Ndërsa grupi hetimor vijon punën për të sqaruar shkaqet dhe rrethanat e aksidentit.
