Pasditen e sotme janë regjistruar dy vatra të mëdha zjarri në Fier, njëra pranë fshatit Daullas dhe tjetra në periferi të qytetit. Flakët kanë përfshirë sipërfaqe të mëdha me toka bujqësore dhe kallamishte, ndërsa tymi i dendur ka mbuluar zonat përreth, përfshirë edhe qytetin.
Forcat zjarrfikëse ndodhen në vendngjarje dhe po punojnë për të vënë zjarrin nën kontroll, por ndërhyrjen po e vështirëson era e fortë që përhap flakët më shpejt.
Shkaqet e zjarreve nuk janë ende të qarta, ndërsa autoritetet bëjnë apel për kujdes maksimal dhe shmangie të çdo veprimi që mund të shkaktojë zjarr, sidomos në kushtet e thatësirës dhe temperaturave të larta.
