Forca e Sigurisë së Kosovës ka pranuar autoblinda të reja nga Shtetet e Bashkuara të Amerikës.
Kryeministri Albin Kurti mori pjesë në ceremoninë e pranim-dorëzimit së bashku me ministrin e Mbrojtjes, Ejup Maqedonci dhe komandantin e FSK-së, Gjeneral Lejtnant Bashkim Jashari.
Kurti e cilësoi këtë furnizim si një dëshmi të partneritetit të palëkundur midis Kosovës dhe SHBA-ve dhe një hap të rëndësishëm për fuqizimin e kapaciteteve mbrojtëse të vendit.
