Presidenti Bajram Begaj, do të niset sot për një vizitë zyrtare në Hungari, me ftesë të homologut të tij hungarez, Tamás Sulyok.
Qëllimi kryesor i kësaj vizite është avancimi i procesit të anëtarësimit të Shqipërisë në Bashkimin Evropian, si dhe bashkëpunimi mes dy vendeve për çështje të sigurisë, në kontekstin e angazhimit të përbashkët në NATO.
Gjithashtu Begaj do të takohet edhe me përfaqësues të komunitetit shqiptar që jeton në Hungari, në një mundësi për të thelluar lidhjet dhe për të përforcuar mbështetjen për emigrantët shqiptarë në këtë shtet.
