Sot është zhvilluar një kontroll i befasishëm në Burgun e Durrësit, ku ndodhen të paraburgosur dhe të burgosur, përfshirë politikanë, individë me rrezikshmëri të lartë dhe krerë bandash kriminale.
Burime nga Drejtoria e Përgjithshme e Burgjeve bëjnë me dije se kontrolli synon gjetjen e lëndëve narkotike, telefonave celularë dhe sendeve të ndaluara. Dhjetëra efektivë janë angazhuar në këtë operacion si pjesë e masave për forcimin e sigurisë brenda institucioneve penitenciare.
