Briseida Çakërri, e renditur në listën shumëemërore të PS për qarkun e Vlorës, është betuar sot si anëtare e Kuvendit.
Ajo merr vendin e Brunilda Mersinit, e cila dha dorëheqjen për të kandiduar në zgjedhjet e pjesshme për Bashkinë e Vlorës më 9 nëntor.
Zv.kryetarja e Kuvendit, Klodiana Spahiu, njoftoi dhënien e mandatit dhe e ftoi Çakërrin për betimin. Seanca plenare vijoi me shqyrtimin e mocionit për shkarkimin e kryetarit të Kuvendit, Niko Peleshi.
