Banorët e fshatit Sukth dolën në protestë këtë të premte për t’u shprehur ndaj situatës së rënduar nga përmbytjet e përsëritura që kanë prekur zonën e tyre.
Ata ngritën shqetësime të forta për mungesën e mbështetjes nga institucionet shtetërore, duke theksuar se, edhe pse problemi i përmbytjeve është njohur prej vitesh, ende nuk janë marrë masa konkrete për ta adresuar atë.
Qytetarët kërkojnë që të bëhen ndërhyrje urgjente për pastrimin dhe sistemimin e kanaleve kulluese, pasi ato janë të papastruara dhe përbëjnë rrezik për shëndetin e komunitetit. Nëse nuk ndërmerren veprime, ata paralajmëruan se do të vazhdojnë protestat.
