Kryeministri Edi Rama, sot ka qenë si i ftuar nderi në Konferencën Vjetore të Komisionit të Bllokut Lindor në Berlin.
Gjatë fjalës së tij, Rama u ndal te sfidat e mëdha gjeopolitike me të cilat po përballet Europa, duke theksuar se kontinenti duhet të jetë i gatshëm të përqafojë ndryshimet dhe të ndërtojë politika të orientuara drejt së ardhmes.
“Integrimi në BE nuk mund të bëhet një shtyrje pa fund. Zgjidhja nuk është e komplikuar. Na jepni pjesëmarrjen, që hap pas hapi të dëshmojmë potencialet tona. Me hapa të ngadaltë, ne do të bjmë çdo gjë që kërkon familja e madhe europiane. Shqipëria është duke punuar shumë në drejtim të digjitalizimit të shërbimeve ndaj qytetarëve. Teknologjia në shërbime është rruga nga periferia drejt qendrës. Ballkani Perëndimor në BE do i japë Europës më tepër potencial. Me ne, më e fortë do jetë vetë BE-ja”, tha Rama.
