Kryetari i bashkisë së Tiranës, Erion Veliaj vazhdon betejën me drejtësinë, jo vetëm në sallën e gjyqit, por edhe në media. Avokati i Erion Veliajt, Plarent Ndreca u shpreh sot se ka dyshime se gjyqtari i çështjes mund të jetë nën presion të vazhdueshëm.
“Kryetari i bashkisë së Tiranës, Erion Veliaj ka kërkuar ndërprerjen e statusit të Ols Dados si prokuror. KLP nuk është mbledhur asnjëherë për këtë çështje, është shkelje. Për këtë arsye, shqetësimi i ynë sot është shumë i madh.
Krijohet dyshimi se gjyqtari i çështjes mund të ndodhet në presion të vazhdueshëm. Kjo nuk është një çështje mes Veliajt, bashkisë në Tiranë dhe Ols Dados. Kjo është një çështje që prek sistemin e së drejtës në shtetin shqiptar.
Kemi të bëjmë me një problem serioz të vetëfunksionimit të sistemit të së drejtës. Kjo është një çështje që duhet të shqetësojë çdo qytetar të Tiranës, çdo profesionist të së drejtës”, tha ndër të tjera Ndreca.
