Kreu i Partisë Demokratike, Sali Berisha, ka ngritur shqetësime të mëdha për projektin e Aeroportit të Vlorës, duke paralajmëruar se ndërhyrjet e qeverisë mund të shkaktojnë pasoja financiare serioze për Shqipërinë.
Sipas tij, përfshirja e shtetit në këtë proces dhe mosmarrëveshjet mes ortakëve mund të çojnë deri në dëmshpërblime miliona euro.
“Ky projekt mund t’i kushtojë Shqipërisë deri në 500 milionë euro, përfshirë edhe pagesën e 10 milionë eurove në vit për 13 vite, që parashikohet në kontratë si kompensim për ‘biletat e mungura’. Pas gjithë kësaj situate qëndron kryeministri Rama dhe mënyra se si janë përdorur fondet publike ngre dyshime serioze. Ndërhyrja e qeverisë rrezikon stabilitetin financiar të shtetit dhe shkel interesat e qytetarëve,” deklaroi Berisha për mediat jashtë Kuvendit.
