Donald Trump ka publikuar në rrjetin social “Truth Social” një video të krijuar me inteligjencë artificiale, ku shfaqet duke interpretuar një këngë kushtuar vetes.
Videoja, e cila ka tërhequr vëmendje në rrjet, përmban skena të ndryshme të gjeneruara në mënyrë digjitale dhe mesazhe që theksojnë popullaritetin e ish-presidentit amerikan.
“Jam krenar që kam mbështetjen e Presidentit Trump, për të cilin e shkrova këtë këngë”, shkroi autori i saj, Anthony Constantino, kandidat republikan për Kongresin në New York. Në videoklip, Trump shfaqet në skena të ndryshme të krijuara me inteligjencë artificiale, duke udhëtuar nëpër botë dhe duke u paraqitur në situata imagjinare, ndërsa kënga përcjell idenë se ai është i mirëpritur dhe i pëlqyer kudo që shkon.
