Gjatë 35-vjetorit të Partisë Socialiste në Vlorë, kryeministri Edi Rama foli për rëndësinë e investimeve dhe vizionit të qartë për zhvillimin e vendit.
Ai paralajmëroi se popujt dhe vendet nuk ngecin për shkak të varfërisë materiale, por për shkak të udhëheqësve me “ëndrra të varfra” dhe interesa personale të ngushta.
“Vendet nuk ngecin nga varfëria. Varfëria sulmohet, varfëria mundet, kapërcehet. Vendet ngecin kur kanë varfëri në ëndrra. Popujt ngecin nga njerëz që janë të varfër në ëndrra dhe që janë të pangopur në interesat e tyre. Popujt ngecin kur udhëhiqen nga sharlatanë, si ata që ju thonë se ky vend është vetëm i juaji. Ky vend është vetëm i juaji i thoshte Hitleri gjermanëve dhe ju e dini si mbaroi historia. Si një nga popujt më me kulturë, u mbulua nga një re e zezë. Është vizioni, guximi për të ëndërruar dhe për të ndërtuar të ardhmen që i çon vendet përpara”, u shpreh Rama.
