Dita e dytë vendimtare e samitit G7 ka filluar në Evian të Francës. Videot dhe fotot që qarkullojnë në mediat sociale tregojnë mbërritjen e udhëheqësve në sallën ku po zhvillohen bisedimet dhe punimet e samitit.
Donald Trump dhe udhëheqës të tjerë të G7 u takuan me Presidentin ukrainas Volodymyr Zelensky për një orë e 15 minuta, sipas organizatorëve francezë të samitit, me bisedimet e tyre të përqendruara në mënyrën e “ndërtimit të paqes dhe sigurisë për Ukrainën dhe Evropën”.
Udhëheqësit ranë dakord të rrisin presionin ndaj Rusisë, duke përfshirë edhe përmes sanksioneve që synojnë sektorët e naftës dhe gazit të vendit, sipas një diplomati francez të njohur me diskutimet e samitit.
Ata gjithashtu ranë dakord për një qëndrim të përbashkët për të mbështetur Ukrainën në luftën e saj kundër Rusisë, duke ofruar aftësi shtesë të mbrojtjes ajrore dhe mjete të tjera mbrojtjeje, shtoi diplomati.
Trump do të takohetmë pas privatisht me homologun e tij ukrainas. Takimi i fundit midis dy burrave u zhvillua në fund të dhjetorit në rezidencën e Trump në Mar-a-Lago.
Presidenti amerikan mbërriti në samit me marrëveshjen SHBA-Iran në bagazhin e tij, e cila pritet të jetë në krye të axhendës.
