Një ditë pas aksidentit tragjik në Gjirin e Ksamilit, ku humbi jetën 22-vjeçari Albiano Kreçi, Policia Kufitare ka nisur një aksion për largimin e mjeteve lundruese që ndodheshin në zonën e ngjarjes.
Në pamjet e siguruara nga vendngjarja, shihen disa mjete lundruese duke u tërhequr nga gjiri i Ksamilit, ndërsa autoritetet kanë ndërhyrë për të siguruar zonën dhe për të shmangur çdo situatë të ngjashme.
Ngjarja e ndodhur një ditë më parë rreth orës 18:30 rezultoi fatale për 22-vjeçarin, ndërsa dy persona të tjerë mbetën të plagosur. Policia po vijon hetimet për të përcaktuar rrethanat e plota të aksidentit.
