Në procesin gjyqësor kundër saj dhe Ilir Metës, Monika Kryemadhi sot ka nxjerrë mesazhet e komunikimit me kryeministrin Edi Rama në 2014. Në këto mesazhe, që lexoi Kryemadhi, ish-deputetja thotë se Rama ka qenë në dijeni të procesit për projektet e kushëririt të saj Adrian Shatkut.
Kryemadhi u ndal te komunikimet me ish-kreun e AKEP-it, Piro Xhixho, duke theksuar se në asnjë rast nuk ka pasur biseda me të lidhur me pretendimet e SPAK-ut për korrupsion apo shpërdorim detyre.
“Unë mora të gjithë listën e përgjimeve dhe ato ambientale dhe telefonike dhe hapja e celularit. Janë shumë mesazhe. E gjithë akuza është bazuar në 90% e mesazheve në telefon por të nxjerra nga konteksti.
Një nga këto është me Pirro Xhixhon por zero për pretendimet e SPAK-ut për Adrian Shatkun. Në komunikimit me mia me Xhixhon kanë qenë për funksionimin e AKEP-it dhe unë si anëtare komisioni dhe licencimin e AMC-së dhe mesazhet që unë kam me Edi Ramën.
Mesazhi që i kam drejtuar Ramës;
Monika Kryemadhi: E di që je i lodhur por duhet me e mbyllur me bordin e vjetër por duhet të jenë të dy bashkë edhe Milena dhe Ahmetaj…
Edi Rama: Kush bord o zemër
Monika Kryemadhi: AKEP-i, Pirro Xhixho
Edi Rama: Po diskutoj me ata se bëjnë naze shumë. Do të flas me Ahmetajn dhe të them se u nis për në USA sot
Monika Kryemadhi: Edi që nuk ke nerva, por AMC nuk bëhet me Nacen dhe Blacen, duhet vendim nga bordi i Mynihut
Edi Rama: E di, e kam të qartë! Ne të dyve na bashkon, shija, është çudi më vete
Monika Kryemadhi: Për Zotin u emocionova” tha ajo.
Avokati i Metës: Do të kërkojmë rreth 150 dëshmitarë, mes tyre edhe kryeministri Rama
Gjyqi ndaj Metës dhe Kryemadhit, zbardhen dëshimtarët e thirrur nga SPAK
Përplasje me sigurinë në gjykatë, avokati i Kryemadhit ndalohet të futet brenda
