Sot në ditën e 20 të protestë antiqeveritare, një aktiviste dhe qytetare nga Rrjolli i është përgjigjur Kryeministrit Edi Rama lidhur me deklaratat, pasi ky i fundit ka thënë se vetëm PS e çon Shqipërinë në BE.
“Kryeministri tha; nëse do iki unë, kush do ju çoj juve në BE? Unë e shoh se kemi shumë individë që mund të na çojnë drejt BE. Madje ne kemi shkuar më herët në BE. Disa na janë bashkuar, disa janë rrugës”, u shpreh ajo.
Ndërkohë një protestuese tjetër e ardhur nga Itali tha: Kam bërë 35 vite gjyqe në Lushnj për pronat e mia. Nuk i mora dot, sepse Argita Berisha dhe familja Berisha, Sali Berisha, kanë marrë Divjakën dhe ne nuk kompensohemi. Rinia shqiptare si do të jetojë?
Vëllai im ka bërë 10 vite burg si armik i popullit. Ku vjen fundi? Ne të persekutuarit nuk morëm dhe nuk fituam asgjë. Rroftë gjithë ky popull, populli i Rrjollit, populli i Zvërnecit. Rama në burg, Berisha në burg, Balluku në burg.
Protestuesit në ditën e 20: Ramën dhe të tjerët, populli i gatshëm t’i tërheqë zvarrë !
