Dy turistë ukrainas janë shpëtuar nga Policia Kufitare në Ksamil pasi rrezikuan të mbyteshin në det për shkak të përkeqësimit të kushteve atmosferike dhe erërave të forta.
Sipas njoftimit zyrtar, efektivët e Njësisë Speciale “Delta” kanë konstatuar gjatë patrullimit një skaf të marrë me qira nga turistët, i cili po fundosej në det të trazuar.
Policia ka ndërhyrë menjëherë duke bërë të mundur shpëtimin e dy shtetasve ukrainas, të cilët fatmirësisht ndodhen në gjendje të mirë shëndetësore.
Ndërkohë, po vijojnë punimet për nxjerrjen e mjetit lundrues në breg, ndërsa Policia Kufitare thekson se mbetet e angazhuar për garantimin e sigurisë në hapësirat detare.
