Takimi mes Putinit dhe Macron u zhvillua dje në Moskën e akullt, në një kohë kur kriza në Ukrainë po përshkallëzohet dhe nuk ka rrugëdalje të dukshme diplomatike.
Takimi u komentua nga mediat botërore dhe rrjetet sociale, të cilat trajtuan një tjetër pikë të takimit të të dyve. Tavolina e madhe dhe e gjatë ku Macron dhe Putin u ulën për të diskutuar, e cila në fakt ishte disa metra e gjatë, rreth 7 metra siç vlerëson Daily Mail, me liderët të ulur në dy anet e saj.
Vështirë, me të vërtetë, mund të zhvillohet ndonjë diskutim në këto rrethana?
Por çfarë u tha në takimin Macron-Putin?
Të dy liderët shprehën shpresën se mund të gjendet një zgjidhje për krizën më të keqe midis Rusisë dhe Perëndimit që nga fundi i Luftës së Ftohtë.
Duke falënderuar vazhdimisht Macron për ardhjen në Moskë, Vladimir Putin tha në një konferencë të përbashkët shtypi se udhëheqësi francez kishte paraqitur disa ide që ia vlen të studiohen.
“Disa nga idetë, propozimet e tij mund të jenë bazë për hapa të mëtejshëm,” tha Vladimir Putin, duke shtuar: ” Ne do të bëjmë gjithçka që mundemi për të gjetur kompromise që i përshtaten të gjithëve.”
Ai nuk dha detaje, por tha se të dy liderët do të flisnin me telefon pasi Macron u takua me presidentin ukrainas Volodymyr Zelensky të martën.
Macron tha se kishte bërë propozime për “garanci specifike sigurie” dhe se zoti Putin “më kishte siguruar për gatishmërinë e tij për të marrë pjesë”.
Presidenti francez tha se propozimet përfshinin angazhimin e të dyja palëve për të mos ndërmarrë veprime të reja ushtarake, fillimin e një dialogu të ri strategjik dhe përpjekjet për të ringjallur proçesin e paqes në Ukrainë.
Vladimir Putin ka mohuar përsëri se Rusia po vepron në mënyrë agresive, pavarësisht frikës perëndimore për një pushtim të mundshëm të Ukrainës pasi Rusia mblodhi dhjetëra mijëra trupa në kufijtë e saj. “Nuk jemi ne ata që po shkojmë drejt kufijve të NATO-s,” tha ai, duke iu referuar lëvizjeve të aleancës në Evropën Lindore.
/5Pyetjet.al
