“Nëse ka përgjegjës për kapjen e drejtësisë nga Rama për aq sa e ka kapur padiskutim që është nga parafolësi”.
Këto fjalë të Ervin Salianjit kundër Sali Berishës sollën reagimin e ish-kryeministrit kundër deputetit, por edhe kryetarit të PD-së, Lulzim Basha sot në parlament.
Fillimisht Berisha i tha se ka qenë dhe është për vettingun, por jo që të përdoret si “armë gjahu”, ndërsa i kujtoi se PD nuk i ka votuar 7 ligjet.
Më pas Sali Berisha publikoi edhe një video nga një deklaratë e Lulzim Bashës disa vite më parë që shprehej kundër vettingut.
“Komploti është zbuluar. Projekti i Vettingut është një projekt mafioz ku janë përfshirë diplomatë të lartë në Tiranë për llogari të Edi Ramës.
Kanë marrë peng ekspertët e BE-së, bashkëkomplotistët këtu janë dekonspiruar dhe i pret gjykimi në institucionet ndërkombëtare”, thoshte Basha asokohe.
Kryetari i PD-së, zgjodhi që vetëm ta vështronte nga karrigia ku ishte ulur dhe të mos i përgjigjej Sali Berishës.
PS dhe PD kanë deklaruar se do të votojnë pro zgjatjes së vettingut, ndërsa grupi i Berishës dhe LSI kundër.
/5pyetjet.al
