Deputetja e PD-së, Jorida Tabaku, në foltoren e Kuvendit ka ngritur zërin kundër vendosje së çmimeve nga Bordi i Transparencës.
Po ashtu ajo është shprehur se një pjesë e deputetëve ka frikë të ngre zërin kundër kompanive të karburanteve. Tabaku ka shtuar se është i padrejtë fakti që qeveria ka shpërblyer kompanitë e ndërtimit por qytetarët janë lënë në errësirë totale.
“Me një bord me një fuqi të marr nga asnjë ligj, qeveria shqiptare ka muaj që përcakton çmimin e karburanteve, por çudia më e madhe ka ndodhur ditë e fundit, ku një pjesë e pikave të karburanteve kanë çmim më të ulët se ai që ka përcaktuar qeveria. Bordi është një sajes totalisht komuniste, i shpikur për të kontrolluar tregun ku ulen pronarët e kompanive të karburanteve bashkë me shtetin dhe ndajnë në tavolinë pazaret dhe diskutojnë për fitimet e tyre.
Qeveria bënë një akt normativ dhe vendos të shpërblejë me 80 milion euro kompanitë e rindërtimit. Në vend që të ndodhet pranë qytetarëve dhe bizneseve të vogla rrit me 80 milion euro fondin e rindërtimit. Përveç se kriminale dhe korruptive kjo kalon në kufijtë e arrogancës.
Duhet të kesh guxim të flasësh për kompanitë e karburanteve dhe shumë e kanë gojën mbyllur këtu, duhet të kesh guxim të denoncosh, por kushdo duhet ta gjej guximin se fundja prandaj jemi votuar,” është shprehur ajo.
