Situata mes Rusisë Perëndimit dhe shteteve të Ballkanit, kryesisht Maqedonisë së Veriut, Malit të Zi dhe Bullgarisë, është tensionuar ndjeshëm pasi këto të fundit nuk lejuan avionin e ministrit të Jashtëm rus, Sergei Lavrov, të fluturojë për në Beograd ku ishte planifikuar një vizitë dyditore.
Nga shefi i diplomacisë së Rusisë ky veprim është cilësuar si i paprecedentë, ndërsa shumë herë më i ashpër ka qenë shefi i Agjencisë Hapësinore të Rusisë Dimitri Rogozin.
Ai tha se Mali i Zi, Bullgaria, Maqedonia e Veriut dhe Rumania kishin tradhtuar historinë e përbashkët të sllavëve duke u sjellë ashtu si edhe suedezët në raport me Rusinë.
Më tej ai flet edhe për ndëshkimin e këtyre shteteve: “Sarmat (raketa ruse sh.r) nuk kërkon leje për të fluturuar mbi qiellin e tyre”.
Ky është një kërcënim i hapur për sulm bërthamor nga Rusia ndaj vendeve të Ballkanit pasi ndaluan shkuarjen e Lavrovit te vëllezërit serb dy ditë më parë.
Raketa “Sarmat” është ndër më të fundit të testuara nga Rusia dhe tashmë është bërë e modës që ushtarakë dhe politikanë rusë të kërcënojnë me sulm shtete të ndryshme. Në fillim ishin Anglia, Franca dhe Gjermania që u kërcënuan me një sulm me “Sarmat”, dhe tashmë është radha e Ballkanit.
