I dërguari i Posaçëm i Bashkimit Evropian për bisedimet mes Kosovë dhe Serbisë, Miroslav Lajçak u shpreh se heqja e barrikadave e ka zgjidhur problemin, por tensionet mbeten ende të larta.
Ai gjithashtu ka thënë se marsi është afati i fundit për arritjen e një marrëveshjeje mes Kosovës dhe Serbisë.
Ai tha se niveli i mosbesimit është më i lartë se kurrë më parë.
“Besoj që e ka zgjedhur problemin, por tensionet mbesin ende të larta. Niveli i mos-besimit është më i lartë se kurrë më parë”, ka thënë Lajçak.
Ai ka kërkuar që të mos lejohet që situata të kthehet në një krizë tjetër.
“Ajo që është e rëndësishme tani, është që të mos lejohet rrëshqitja prapa në një tjetër krizë, dhe është e rëndësishme për liderët në Kosovë dhe Serbi që të nisin ta krijojnë një atmosferë të përshtatshme për diskutime produktive për normalizimin e marrëdhënieve”, ka thënë diplomati evropian.
Lajçak po punon bashkë me SHBA-në dhe NATO-n në kuadër të përpjekjeve diplomatike mes mosmarrëveshjeve Kosovë-Serbi.
Ai ka thënë se përpjekjet nuk do të ndalen duke thënë se muaji mars i vitit 2013 është afati i fundit për arritjen e një marrëveshjeje.
Politico ka shkruar se bashkësia ndërkombëtare është duke ndjerë një urgjencë për ta zgjidhur mosmarrëveshjen ballkanike duke marrë parasysh nevojën e Rusisë për destabilizimin e Ballkanit në mënyrë që ta largojë nga BE.
Sipas vlerësimit të mediumit në këto rrethana marrëveshja finale duket larg./ Express
