Një djalë 7-vjeçar ka humbur jetën tragjikisht në Idaho të SHBA-së pasi u sulmua nga një tufë qensh.
Nëna e tij ka shpëtuar dhe ndodhet në spital me plagë të rënda.
Ngjarja ka ndodhur mbrëmjen e së shtunës në zonën e Fort Hall ku 4 qen – dy Rottweiler dhe dy qen të tjerë- sulmuan djalin e vogël që kishte dalë për të luajtur në rrugë jashtë shtëpisë ku ai jetonte.
Kelani doli në rrugë dhe disa minuta më pas nëna e tij e gjeti të shtrirë me fytyrë përtokë, duke e sulmuar qenve gjakatarë.
Pa u menduar, vrapoi në vendngjarje, u fut në mes dhe u shtri mbi të birin për të pranuar kafshimet e qenve në tentativë për të mbrojtur 7-vjeçarin. Por që nuk ia doli.
Kellan dhe Emily Islas u dërguan menjëherë me autoambulancë në Qendrën Mjekësore “Portneuf”, ku djali i vogël u konstatua i vdekur.
Autoritetet lokale eutanizuan qentë duke zbatuar ligjin lokal të kontrollit të kafshëve.
