11 persona janë arrestuar në Tiranë në 24 orët e fundit për disa vepra penale. Mes tyre, Shqiponja Krosi banuese në Tiranë u arrestua pasi Gjykata e Apelit Tiranë e ka dënuar me 2 vjet e 4 muaj burgim për mashtrim.
Ajo gjatë kohës që ka administruar një agjenci turistike ka përvetësuar shuma të konsiderueshme parash, duke mashtruar qytetarë të ndryshëm se do t’i pajiste me kontrata pune në vendet e BE-së.
N. L. 42 vjeç, banues në Tiranë ka ushtruar dhunë ndaj dajës, E. F. 53 vjeç banues në Golem ka rrahur babanë. Materialet i kaluan Prokurorisë, për veprime të mëtejshme procedurale.
