Blinken mbërriti në Turqi nga Mynihu ku mori pjesë në Konferencën e Sigurisë, në bazën ajrore Incirlik në pjesën juglindore të vendit.
Pikërisht nga kjo bazë, ku janë stacionuar rreth 1500 ushtarë amerikanë, një pjesë e ndihmave humanitare, kryesisht amerikane, kanalizohet në zonat e prekura nga tërmeti 7.8 ballë i 6 shkurtit.
” Kur të shohim shkallën e dëmtimit, numrin e ndërtesave, numrin e apartamenteve, numrin e shtëpive të shkatërruara, do të duhet një përpjekje e madhe për t’u rindërtuar dhe ne jemi të përkushtuar ta mbështesim atë përpjekje,” tha Blinken .
Sekretari amerikan i shtetit pritet të takohet me zyrtarë ushtarakë dhe të tjerë që koordinojnë ndihmën e SHBA.
Kombet e Bashkuara kanë bërë thirrje për ndihmë ndërkombëtare për të mbledhur një miliard dollarë për Turqinë.
Blinken në mbrëmje do të shkojë në Ankara ku nesër do të takohet ndër të tjera me presidentin Recep Tayyip Erdogan.