Ministria e Jashtme e Shqipërisë ka reaguar pas aksidentit tragjik në Greqi ku dy trena janë përplasur dhe për pasojë kanë humbur jetën 36 persona dhe janë plagosur 66 të tjerë.
Ministria bën me dije se deri më tani nuk ka informacion nëse mes viktimave dhe të plagosurve ka shqiptarë.
A ka shqiptarë nga tragjedia në Greqi? Ambasadorja flet për “5pyetjet.al”
“Ministrja është në komunikim të vazhdueshëm me ambasadën tonë në Athinë dhe Konsullatën e Përgjithshme në Selanik lidhur me aksidentin. Deri më tani nuk ka ende informacion për shtetas shqiptarë në radhët e viktimave apo të të plagosurve, ndërkohë që përfaqësues të Konsullatës në Selanik janë në vendngjarje”, thuhet në njoftimin e ministrisë.
Ndërkohë ministrja Olta Xhaçka ka shprehur ngushëllimet për ngjarjen e rëndë.
Britma dhe ulërima! VIDEO-Tronditëse nga brenda vagonit pas përplasjes tragjike
“Mendimet dhe lutjet tona shkojnë për viktimat dhe familjet e tyre të këtij aksidenti vdekjeprurës. Shërim sa më të shpejtë të plagosurve”.
