Policia e Tiranës ka arrestuar 12 persona për vepra të ndryshme penale. R. M 24 vjeç, banues në Tiranë e arrestua pasi u kap duke drejtuar pa leje drejtimi.
Specialistët për Hetimin e Krimeve të Komisariatit të Policisë Nr. 1 arrestuan shtetasit:
P. Xh., 57 vjeç, banues në Tiranë, pasi dyshohet se ka goditur me grusht dhe ka kanosur me mjet prerës, nipin e tij;
D. V., 48 vjeç, banues në Tiranë, pasi është kapur duke vjedhur disa pajisje që janë pjesë e rrjetit elektrik, në rrugën “George W. Bush”;
S. F., 23 vjeç, banues në Tiranë, pasi gjatë kontrollit të automjetit që drejtonte, shërbimet e Policisë i gjetën një shufër metalike si ato të Policisë.
Specialistët për Hetimin e Krimeve të Komisariatit të Policisë Nr. 5 arrestuan shtetasin D. Z., 31 vjeç, banues në Tiranë, pasi ka ushtruar dhunë ndaj bashkëshortes së tij.
Specialistët për Hetimin e Krimeve të Komisariatit të Policisë Nr. 6 arrestuan shtetasin M. H., 24 vjeç, banues në Tiranë, pasi ka ushtruar dhunë ndaj bashkëjetueses së tij.
Ndërkohë Specialistët e Qarkullimit Rrugor arrestuan F. Th 44 vjeç, Y. R 41 vjeç, S. M 45 vjeç, B. D., 38 vjeç, R. Gj., 20 vjeç pasi kanë shkelur rregullat e qarkullimit rrugor
Gjithashtu policia bën me dije se u arrestua edhe E. D 25 vjeç, banues në Tiranë, pasi duke drejtuar automjetin, në rrugën dytësore Tiranë-Durrës, ka aksidentuar shtetasen E. S., 40 vjeçe, e cila për pasojë ka humbur jetën.
