Kunata e Taulant Malajt, i cili masakroi me thikë vajzën e tij 16-vjeçare Xhesikën dhe fqinjin italian, Massimo De Santis, me të cilin dyshonte se e tradhtonte gruaja, ka rrëfyer detaje tronditëse nga ngjarja makabër.
Raba Malaj tregoi se pas krimit të dyfishtë, 45-vjeçari kishte marrë në telefon të vëllanë dhe i kishte thënë “kam vrarë 3 persona”, referuar faktin që kishte qëlluar me thikë edhe gruan e tij, e cila i shpëtoi plagëve të marra.
Më pas, sipas saj, Taulanti kishte shkuar përpara pallatit ku jetonte i vëllai dhe i ka kërkuar të marrin në banesën djalin e tij 5-vjeçar.
Ajo u shpreh se kur mbërritën në banesën ku ndodhi krimi gjetën vogëlushin duke parë të motrën e vdekur.
“Natën që kreu krimin na telefonoi. Ai mori vëllanë dhe i tha që kishte vrarë 3 persona. Ai pas vrasjes erdhi me makinë para pallatit tonë dhe tha “ejani merreni djalin”. Ne shkuam e gjetën djalin duke parë të motrën” tha ajo në emisionin “Me zemër të hapur”.
