Policia e Tiranës ka arrestuar administratorin dhe magazinierin e një subjekti pasi kontrabandonin mallra në sasi të mëdha me vlerë 150 000 euro.
Nga ky operacion ka rënë në pranga edhe një person tjetër që tregtonte me pakicë këto mallra.
Policia sekuestroi 305 pako, 145 koli dhe 13 thasë me mallra dhe produkte të ndryshme.
Të arrestuarit janë 31-vjeçari me inicialet L. K., 41-vjeçari me inicialet G. P. dhe 40-vjeçari me inicialet E. D.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
