Një ngjarje e rëndë është regjistruar në afërsi të pikës kufitare Serbi-Kroaci ku ka mbetur i vdekur një 19-vjeçar.
Mësohet se 19-vjeçari nga Prishtina është therë për vdekje me thikë në zonën e Batrovcit.
Viktima ndodhej së bashku me një shok kur një grup emigrantësh tentuan t’i vidhnin.
Dyshohet se njëri prej autorëve, një emigrant nga Afganistani ka qëlluar me thikë drejt 19-vjeçarit ku për shkak të plagëve humbi jetën.
Mësohet se i riu me inicialet Sh.M ndodhet në morgun e Novi Sadit.
Policia serbe ka shpallur në kërkim autorin ndërsa vijojnë hetimet për zbardhjen e plotë ngjarjes.
Dy të rinjtë ishin duke shkuar ilegalisht në Gjermani dhe ngjarja ka ndodhur pas kthimit të tyre nga autoritetet kroate në Serbi.
Lajmin e hidhur për humbjen e 19-vjeçarit e ka ndarë shoku i tij i cili u tregoi për ngjarjen e rëndë.
