Pasditen e sotme në derën e kopshtit privat “Stinët” që ishte pa licencë në zonën e “Ali Demit” në Tiranë ku një fëmijë 3-vjeç theu këmbën dhe sipas pamjeve në kamera u qëllua me vizore nga edukatorja, u zhvillua një protestë nga disa prindër të shoqëruar nga fëmijët. Qytetarët dolën me pankarta në duar kundër dhunës ndaj fëmijëve.
“Jam njohur me rastin përmes rrjeteve sociale. Nuk duhet toleruar në asnjë mënyra dhuna ndaj fëmijëve. Kur kam parë videon nuk kam fjetur gjumë. Fëmijët i sjellim për t’i edukuar dhe jo për t’i dhunuar” tha një prej qytetareve. “Ti çosh fëmijët shëndoshë e mirë në kopsht dhe t’i marrësh me kocka të thyera, me këmbë të tjera, është diçka që nuk tolerohet”, u shpreh një tjetër qytetare.
Dështimi në mes të Tiranës, fëmija me këmbën e thyer, kopshti pa licencë dhe fshehja
