Një valë protestash ka përfshirë Romën, Mesinën dhe shumë qytete të tjera italiane në veri të vendit pas vrasjes së ndodhur 2 javë më parë.
Nga ngjarja në fjalë një 22 vjeçare e quajtur Giulia Cecchetin u vra nga i dashuri i saj.
Mediat italiane raportojnë se numri i protestuesve arrin deri në 500 mijë persona të cilët kanë marshuar kundër dhunës ndaj grave.
Në Romë marshimi filloi nga Circus Maximus dhe përfundoi në Piazza San Giovanni me pjesëmarrjen e sekretares së Partisë Demokratike, Elly Schlein, sekretarit të CGIL, Maurizio Landini, dhe kryebashkiakut të Romës Gualtieri.
“Nuk mjaftojnë indinjata dhe zemërimi, duam ta ndalojmë këtë masakër. Është koha të themi mjaft dhe të bëjmë një hap përpara, sepse nuk durojmë dot më,” tha kryedemokrati.
